EinarAndri

Jæja aftur

2003-11-26T06:20:00.000-08:00

Skilasíðuna mína finnur þú Salvör hérna.
Takk fyrir veturinn þetta er búið að vera mjög skemmtilegt námskeið kveðja Einar Andri

Síðasti dagurinn....

2003-11-26T06:18:00.000-08:00

Jæja þá er það síðasti tíminn... við fengum smá verkefni til að tala um hér á blogginu sem er skoðaskilasíðu hjá öðrum nemanda og tala um hana. Ég hef að sjálfsögðu valið að fjalla um síðu stórvinar míns Benedikts.
Benedikt er mjög vandaður maður og því ekki við öðru að búast en síða hans sé það líka. Hún er snyrtilega uppsett með smekklegum linkum. Hann er að sjálfsögðu með mynd af trommusetti á frontinum. Enda er maðurinn oft kallaður trommi. Ég skoðaði undirsíðurnar og voru þær mjög vel unnar og áhugaverðar. Upplifun hans af tækninni er mjög skemmtileg og vefleiðangurinn áhugaverður. Benni 9 af 10 í einkunn.
kv, Einar

Jæja

2003-11-25T06:16:00.000-08:00

Þá fer að líða að lokum þessa misseris og þarf með þessa námskeiðs líka... líklega hefði maður nú getað verið duglegri að blogga að undanförnu en það er bara alveg skelfilega mikið að gera í skólanum... en svona er það bara. Þá er bara einn tími eftir en hann er á morgun og þá mun ég ljúka við að gera viðbætur við persónulega vefinn og ljúka við allt annað sem er eftir sem er nú reyndar ekki mikið. Það verður nú að segjast eins og er maður er búinn að læra ansi mikið á þessu námskeiði og ég sé sko alls ekki eftir því að hafa valið það.

Næst síðasti tíminn...

2003-11-19T04:45:00.000-08:00

Í dag er næst síðasti tíminn í námskeiðinu... ég er á fullu að klára þau verkefni sem ég á eftir að skila. Ég á eftir að vinna örkennsluverkefnið sem verður gaman að gera enda hef ég aldrei klippt video áður. Svo þarf ég að vinna myndasíðuna á heimasíðunni eins og starfsferillsskrána... Svo erum við að klára melaskólasíðunna þannig að það er bara allt á áætlun!!! Svo er ég með handboltamót um helgina og það verður mjög gaman.... góðar stundir!!!

Góðann daginn

2003-11-12T02:43:00.000-08:00

Ferðinn í Melaskóla var mjög góð og var vel tekið á móti okkur. Við fengum allar þær upplýsingar sem við þurftum og fengum góða yfirsyn yfir upplýsingafræðina í skólanum. Það var gaman að sjá hvernig þeir nýtu það við smíðakennslu... og reyndar fleira.

Melaskóli

2003-11-05T03:22:00.000-08:00

Þá erum við að fara í skólaheimsókn í Melaskóla að kynna okkur upplýsingarfræðikennsluna þar.... það er mjög spennandi og munum við vinna verkefni í kringum þessa heimsókn sem mun væntanlega birtast á heimasíðu minni fljótlega. Er að vinna í starfsferillskránni sem mun einnig koma á síðuna fljótlega. Var að skoða umræðurnar á síðunni hennar Salvarar og mér finnst vanta skemmtileg umræðu efni... sá ekki neitt sem ég nennti að svara!!! kveðja Einar

Örkennsla

2003-10-28T05:52:00.000-08:00

Þá er maður bara búinn með örkennsluverkefnið, áreyndar eftir að taka það upp en geri það vonandi bara í tímanum á morgun. Verkefnið sem ég gerði var að sjálfsögðu um handbolta, og fer í uppbyggingu handboltaæfingar í því... Góðar stundir og áfram FH

En einu sinni veikur....

2003-10-24T05:56:00.000-07:00

Þessi veikindi í vetur eru nú engu lagi lík.... í fjórða skiptið í vetur er ég veikur. Og í þetta skiptið eru þetta ekkert spes veikindi. Gubbupest er ekkert stórskemmtileg það verður að segjast eins og er. Ég veiktist á þriðjudag og stóð upp úr rúminu í fyrsta skipti í gær fimmtudag. En nú er ég að hressast og kem tvíefldur til leiks í næstu viku!!!! Áfram FH

Góð helgi!!

2003-10-21T06:16:00.000-07:00

Þetta var nú aldeilis fín helgi... ég var á mót með strákana í 5.fl FH sem ég þjálfa en við vorum að spila á móti á Seltjarnarnesi. A liðið sigraði mótið, B liðið lenti í 3. sæti og C liðið endaði í 4. sæti. Góð helgi en ekki laust við maður sé ennþá hálf þreyttur eftir þetta enda taka þessi mót mjög á!!!

Leyniorð

2003-10-15T05:26:00.000-07:00

Það sem mér finnst það erfiðast í nútímasamfélagi eru lykilorð!!!! þetta er alveg rosalegt, ef maður ætlar sér að gera eitthvað eða fara eitthvað verður maður að hafa lykilorð. Maður er alltaf að reka sig á það að maður man ekki orðið sitt og fyrir vikið lendir maður oft í massívum vandræðum. Bara smá pæling!

Persónulegur vefur...

2003-10-08T05:31:00.000-07:00

Verð að viðurkenna að ég er aðeins eftir á hvað þetta varðar en ég hef nú samt verið að skoða þetta aðeins. Ég ætla að setja inn á vefinn minn starfsferillsskrá og myndaalbúm af þeim verkefnum sem er skilda að setja inn og svo hafði ég hugsað mér að gera eina síðu þar sem koma fram upplýsingar um flokkinn sem ég er að þjálfa í handbolta. Þetta eru fyrstu hugmyndir og mun þetta allt skýrast fljótlega og bendi ég ykkur á að fylgjast með síðunni minni.

Vefleiðangur

2003-10-07T04:47:00.000-07:00

Vefleiðangur

Kynning.

Flest okkar hafa ferðast um landið og kynnst landinu að einhverju leiti. En hversu mikið vitum við um landshlutana. Við skulum kynna okkur þá betur.

Verkefni.

Verkefnið ykkar er í því fólgið að safna öllum þeim áhugaverðu upplýsingum sem þið finnið um landshlutan sem þið fáið úthlutað. Upplýsingar sem æskilegt er að komi fram eru m.a. helstu bæjir, atvinnuvegir, íbúafjöldi, áhugaverðir staðir fyrir ferðamenn, samgöngur og allt annað sem ykkur þykir áhugavert.

Bjargir.

Til að aðstoða ykkur við verkefnið eigið þið að kynna ykkur þessar heimasíður á þeim eigið þið að finna allar þær upplýsingar sem þið þurfið á að halda.

Á eftirtöldum síðum er að finna efni um landshlutana á sumum er eingöngu um einn að ræða en á öðrum er að finna upplýsingar um þá alla. Kynnið ykkur þær vel áður en þið byrjið að vinna við verkefnið.

www.suðurland.is

www.islandsvefurinn.is

www.vesturland.is

www.northwest.is

www.nat.is

www.vestfirðir.is

Ferli.
1. Skipt í hópa 4 í hverjum hóp helst jafnt á milli kynja.

2. Hóparnir fara á netið og kynna sér upplýsingarnar sem þeim er úthlutaðar.

3. Nú punktar hver og einn aðili í hópnum niður allt sem honum þykir áhugavert.

4. Hópurinn ber saman upplýsingar sýnar og tekur saman hvað þeir vilja að komi fram í framsögn sinni.

5. Hópurinn setur saman samantekt þar sem þau segja frá upplifun sinni af landshlutanum.

6. Þegar því er lokið undir býr hópurinn kynningu fyrir bekknum.

Mat.
Við mat á þessu verkefni verður jafningjamat þar sem hver og einn í hópnum metur frammistöðu sína og annara. Auk þess verður gefið fyrir frammistöðu í flutningi á verkefni.

Niðurstaða.
Að þessu verkefni loknu getið þið svo farið með mömmu og pabba út á land og verið einskonar leiðsögumenn fyrir þau.

Tæknisaga

2003-09-30T03:21:00.000-07:00

Ég verð nú að byrja á því að viðurkenna að ég og tækni er kannski eitthvað sem á ekkert rosalega vel saman. Ég hef aldrei verið sá aðili í fjölskyldunni sem kallað er í þegar eitthvað bilar. Reyndar er enginn í fjölskyldunni sem kallað er í þegar eitthvað bilar, heldur er yfirleitt hringt í viðgerðarmann. En í seinni tíð hefur maður ekki farið sloppið við að þurfa að aðlaga sig að nýjungum í tækni endar enginn maður með mönnum ef hann á ekki nýjasta farsímann eða flottustu fartölvunna.

GSM - Sími

Ég hef reyndar verið með símann í nokkur ár eða síðan ég var á 1. ári í verslunarskólanum. Fyrstu símarnir sem ég notaði gerði nú lítið fyrir mig annað en að hringja ef hann náði þá sambandi. En eftir því sem tíminn hefur liðið og maður hefur endurnýjað símana hefur maður farið að líta á þessi litlu tæki sem systkinin manns sem maður getur ekki hugsað sem að missa. Enda er líf manns oft á tíðum í þessum litlu tækjum. Mikið af persónulegum upplýsingum og svo framvegis.

Tölvur

Alveg eins og með símann byrjaði ég fyrst að umgangast tölvur að einhverju viti í versló, enda er mikiltölvukennsla í þeim skóla. Þá keypti ég mér fyrstu tölvuna og hef ég endurnýjað tvisvar síðan þá. Núna á ég þessa fínu fartölvu sem er næstum því orðinn jafnmikilvæg og síminn. Núna get ég ekki hugsað mér þann dag sem maður fer ekki á netið, kíkir á póstinn og fer á netbankann. Talvan er í raun orðið vinnutækið manns og tenging við umheiminn. Fyrir utan það að maður er farinn að nýta sér alls kyns aðra þjónustu sem tölvur hafa upp á að bjóða til dæmis msn-skilaboða dæmið. Ég hugsa að maður tali nú eitthvað í hverri viku við alla vinni sína og tel ég þetta vera mjög sniðugt kerfi. Sérstaklega þar sem maður hefur nú ekki tíma til þess að hringja í alla. Auk þess að spara manni fínan pening.

Þetta er mín upplifun á tækninni, hún nær nú ekki langt aftur enda bara sveitastrákur úr hafnarfirði...

Veikindi

2003-09-30T02:53:00.000-07:00

Það má segja að veikindi síðustu daga hafi tekið sinn toll af manni í skólanum. Sumir vilja reyndar meina að ég hafi fyrst orðið veikur eftir bikarúrslitinn á laugardaginn, og ég verð að viðurkenna að sá leikur hafði kannski ekki hjálpað neitt upp á en honum verður nú ekki eingöngu kennt um. Er að vinna í því að ná því upp sem ég hef misst af síðustu daga í skólanum og er á réttri leið. Vonandi. Er núna að vinna í nýjasta upplýsingafræði verkefninu sem kallast Vefleiðangur og afraksturinn mun líklega detta hér inn á næstu dögum.

Bikarúrslit

2003-09-24T06:05:00.000-07:00

Bara að vekja athygli áhugasamra á bikarúrslitaleiknum á laugardaginn þar sem stórlið FH og smálið ÍA leika til úrslita. Áfram FH!!!!

Vefrallý

2003-09-24T02:54:00.000-07:00

Efnið sem ég hef valið í þetta er vefurinn hagstofa.is og er frekar erfiður vefur en samt sem áður mjög áhugaverður. Á þessum vef er hægt finna allt um þær breytingar sem verða hér á landi allt frá fólksfjölda til hagtalna. Þetta efni myndi sennilega henta best eldri deildum grunnskólans þar sem ólíklegt er að þau yngstu skilji allt sem kemur fram. En vefurinn er sem sagt hagstofa.is og hér koma spurningarnar.
Spurningar
1. Hver var íbúa fjöldi á Íslandi 1.des 2002?
2. Hver var hagvöxtur í % 1. des?
3. Hvær tók hagstofan til starfa?
4. Hver er staðgengill hagstofustjóra?
5. Hver var atvinnuþáttaka á 2. ársfjórðungi 2003?
6. Hver var mannfjölguninn á Íslandi frá 2001 til 2002 í %?
7. Hvert er símanúmerið hjá fyrirtækjaskrá?
8. Hvar er hagstofan til húsa?
9. Nefnið að minnsta kosti tengingar í þrjá aðra vefi á síðunni?
10. Hverjir eru skráðir í þjóðskrá.

Tölvuleikir á netinu

2003-09-10T06:36:00.000-07:00

Leikjavefur. Ég átti einnig að kynna mér leikjavef og svolítið frá því hvernig ég fann hann og hvort mér líkaði hann. Ég verð að viðurkenna að ég hef nú ekki mikið stundað netleikina og eina leikja síðan sem ég veit um er á tilveran.is. Þar mikið úrval af leikjum sem eru reyndar misgóðir flestir reyndar algert rugl. En samt fínt að kíkja á það.

Kennaravefir á netinu

2003-09-10T06:22:00.000-07:00

Næst ætla ég að kynna ykkur fyrir vef fyrir kennara. Ég ætla að segja ykkur svolítið frá kennari.is. Þetta er síða sem er unninn af Fjölbrautarskóla Vesturlands. Þessi síða er eins og nafnið gefur til kynna ætlað kennurum og er til þess ætlaður að gefa þeim nýjar hugmyndir í skólastarf.

Samskiptavefir á netinu

2003-09-10T06:10:00.000-07:00

Eitt af verkefnum sem ég hef fengið úthlutað hér í námskeiðinu er að gera samanburð tveimur á samskiptakerfum á netinu. Ég hef valið að fjalla um málefni.com og einkamál.is. Þessir tveir vefir eru í eðlisínu afar ólíkir. Málefni.com er vefur sem gefur fólki sem hefur áhuga tækifæri til þess að tjá sig um hinn ólíkustu málefni allt frá stjórnmálum til viðskipta. Til þess að geta tekið þátt verður einstaklingurinn að skrá sig inn og hefur hann þá ótakmarkaðan aðgang að öllum umræðum. Einnig er boðið upp á ýmsar kannanir þar sem skoðanir notenda eru kannaðir. Einnig er leit.is með link á síðunni. Einkamál.is er hinsvegar af allt öðrum toga þar sem þessi vefur gengur út á eins og nafnið gefur til kynna út á einkamál einstaklingsins. Þessi síða gengur að mestu leiti út að gefa fólki sem hefur áhuga á að hitta einhvern einstakling af hinu kyninu. Til þess að fá aðgang að þessu verður einstaklingur að skrá sig inn og gefa ákveðnar lágmarks upplýsingar. Einnig er boðið upp á allskyns ráðgjöf í ýmsum efnum og fer Páll Óskar þar á kostum. Verslunar vefur er einnig á síðunni. Skora á alla að kíkja á það.

Kynning

2003-09-10T05:52:00.000-07:00

Jæja góðann daginn þá er komið að annari færslu á þessu frábæra bloggi mínu. En ætli ég verði ekki að byrja á því að vera svolitla kynningu um sjálfan mig hér í byrjun. Ég heiti Einar Andri og er 22 ára hafnfirðingur. Ég er á öðru ári í kennaraháskóla Íslands og stunda námið að sjálfsögðu af mikilli kappsemi. Mín helstu áhugamál eru íþróttir og þá helst handbolti. Ég er þjálfari hjá handbolta stórveldinu FH þar sem ég þjálfa 5 og 4 flokk karla. Ég vill endilega benda öllum á að kíkja á FH-síðuna.

2003-09-03T07:45:00.000-07:00

Velkominn á bloggið mitt. Ég hef ekkert að segja eins og er en um leið og andinn kemur yfir mig mun ég eflaust segja eitthvað af viti. En þanngað til bið ég að heilsa.